Նոր հոսանքազրկումներ Ադրբեջանի մայրաքաղաքում

Ուրբաթ երեկոյան նոր հոսանքազրկումներ են արձանագրվել Ադրբեջանի մայրաքաղաք Բաքվում: Մի քանի ժամ շարունակ հոսնքազրկված է եղել Բաքվի Խաթամիի և Նիզամիի շրջանների զգալի մասը:


«Ազերէներջի» ընկերության պնդմամբ՝ հոսանքազրկումները տեղի են ունեցել բարձրավոլտ էլեկտրագծերում առաջացած կարճ միացումների պատճառով: Սա այս ամիս թվով երրորդ զանգվածային հոսանքազրկման դեպքն է Ադրբեջանի տարածքում: Նախորդ երկու հոսանքազրկումները արձանագրվեցին հուլիսի 3-ին և 12-ին: