ისრაელი და დაჯგუფება ჰამასი, რომელიც ღაზის სექტორს აკონტროლებს, შაბათს შეთანხმდნენ ცეცხლის შეწყვეტაზე მას შემდეგ, რაც წინა დღით ისრაელის ავიაციამ ათობით იერიში მიიტანა ღაზის სექტორზე. დაიღუპა ოთხი პალეტინელი, რომელთაგან ჰამასის თანახმად, სამი დაჯგუფების მებრძოლია. საავიაციო დარტყმის მიზეზი გახდა პარასკევს ისრაელი სამხედროს დაღუპვა პალესტინის ტერიტორიიდან განხორციელებული სროლების შედეგად. 2014 წლის შემდეგ ეს არის სამხედროს დაღუპვის პირველი შემთხვევა ღაზის საზღვარზე. შაბათის ღამეს ეგვიპტის შუამავლობით მხარეებმა მიაღწიეს შეთანხმებას ცეცხლის შეწყვეტის თაობაზე.
