Պաշտոնական. Բասկետբոլիստ Անդրե Սփայթ Մկրտչյանը կարիերան կշարունակի Եվրոպայում
Հայաստանի բասկետբոլի հավաքականի խաղացող Անդրե Սփայթ Մկրտչյանը կարիերան կշարունակի Եվրոպայում` Մոնտենեգրոյում:
Երիտասարդ խաղացողը պայմանագիր է կնքել «ԿԿ Մորնար» ակումբի հետ: Մկրտչյանի նոր թիմը հանդես է գալիս Մոնտենեգրոյի առաջնությունում և «ABA» լիգայում: Վերջինս իր մեջ է ներառում Սերբիայի, Խորվաթիայի, Բոսնիա և Հերցեգովինայի, Սլովենիայի, Մոնտենեգրոյի և Իսրայելի ակումբները:
«ԿԿ Մորնարը» Եվրոպայում իր նորամուտը նշել է 2016/17 մրցաշրջանում` հանդես գալով Չեմպիոնների լիգայում, իսկ 2017/18 մրցաշրջանում դարձել է մրցաշարի հաղթող: