Ֆարնբորոյի ավիաշոուի ժամանակ 192 մլրդ դոլարի գործարքներ են կնքվել
Բրիտանական Ֆարնբորոյում անցկացվող միջազգային ավիաշոուի ժամանակ ընդհանուր առմամբ 192 մլրդ դոլարի գործարքներ են կնքվել, որը 67.5 մլրդ դոլարով գերազանցում է 2016 թվականի ցուցանիշը:
Ինչպես գրում է Коммерсант-ը՝ հղում անելով ավիաշոուի մամլո ծառայությանը, գործարքների թվում համաձայնագրեր են կնքվել ավելի քան 1400 ինքնաթիռ վաճառելու մասին, որոնց ընդհանուր արժեքը կազմում է 154 մլրդ դոլար:
Գործարքների թվով առաջատարն է ամերիկյան Boeing ընկերությունը, որը 676 ինքնաթիռի պատվեր է ստացել՝ 92 մլրդ դոլար ընդհանուր արժեքով: Երկրորդ տեղում է ֆրանսիական Airbus-ը, որը 431 ինքնաթիռի պատվեր ունի՝ 70 մլրդ դոլար արժեքով:
Ավիաշոուն մեկնարկել է հուլիսի 16-ին: Միջոցառմանը մասնակցել է ավելի քան 100 երկիր:
Հիշեցնենք, որ ավիաշոուի մեկնարկի առաջին իսկ օրը Boeing և Airbus ինքնաթիռաշինական ընկերությունները 43 մլրդ դոլարի գործարքներ էին կնքել: