Հայաստանի առաջնություն. հայտնի է, թե երբ կկայանան «Փյունիկի» և «Ալաշկերտի» հետաձգված խաղերը

Հայաստանի Բարձրագույն խմբի առաջնության խաղացանկում տեղի են ունեցել փոփոխություններ:

Այս մասին հայտնում է ՀՖՖ-ի պաշտոնական կայքը:

Առաջին տուրից հետաձգված «Փյունիկ»-«Գանձասար-Կապան» հանդիպումը կկայանա հոկտեմբերի 10-ին, ժամը 19:00-ին, «Հանրապետական» մարզադաշտում:

Երկրորդ տուրից հետաձգված «Ալաշկերտ»-«Փյունիկ» հանդիպումը կկայանա սեպտեմբերի 19-ին, ժամը 15:00-ին, «Նաիրի» մարզադաշտում:

Երրորդ տուրից հետաձգված «Փյունիկ»-«Արարատ Արմենիա» հանդիպումը կկայանա սեպտեմբերի 26-ին, ժամը 17:00-ին, «Հանրապետական» մարզադաշտում:

Իսկ երրորդ տուրից հետաձգված «Գանձասար-Կապան»-«Ալաշկերտ» հանդիպումը կկայանա սեպտեմբերի 26-ին, ժամը 19:00-ին, Ֆուտբոլի ակադեմիայում:

Հիշեցնենք` խաղերը հետաձգվել էին «Փյունիկի» և «Ալաշկերտի» եվրագավաթային հանդիպումների պատճառով: