Турската централна банка презема мерки за спречување на падот на лирата

Турската централна банка денеска соопшти дека е подготвена да ги преземе „сите неопходни мерки“ за да обезбеди финансиска стабилност по падот на националната валута. Исто така централната банка вети дека ќе обезбеди „целосна ликвидност која им е потребна на банките.“


Соопштението доаѓа еден ден откако министерот за финансии Берат Албајрак изјави дека владата подготвила акциски план да помогне во олеснувањето на грижите на пазарот.


Во услови на стравувања дека Турција може да ја зафати економска криза, турската лира достигна рекордно ниско ниво во однос на доларот, а денеска паднаа и берзите во Азија. Влошените односи меѓу САД и Турција го забрза падот на турската лира.