Հայտնի է դարձել բոլոր ժամանակների ամենավաճառված ալբոմը
Ձայնագրող ընկերությունների ամերիկյան ասոցիացիայի տվյալներով՝ բոլոր ժամանակների ամենավաճառված ալբոմ է հռչակվել ամերիկյա Eagles ռոք խմբի «Their Greatest Hits 1971-1975» ալբոմը, գրում է NBC-ն:
Նշվում է, որ Eagles-ի «Their Greatest Hits 1971-1975» հավաքածուն վաճառվել է 38 մլն օրինակով և 38 անգամ ստացել է «պլատինե» կարգավիճակ:
«Their Greatest Hits 1971-1975» ալբոմն առաջ է անցել անգամ Մայքլ Ջեքսոնի «Thriller» ալբոմից, որը «պլատինե» կարգավիճակ է ստացել 33 անգամ և հայտնվել է երկրորդ հորիզոնականում:
Հատկանշական է, որ երրորդ հորիզոնականում հայտնվել է կրկին Eagles-ը՝ իր «Hotel Calfornia» ալբոմով, որը «պլատինե» կարգավիճակ է ստացել 26 անգամ: