10 լոգասենյակ, ահռելի հյուրասենյակ և նույնիսկ բուժկետ. Քաթարի թագավորական ընտանիքը 642 մլն դոլարով վաճառում է իր շքեղ ինքնաթիռը (լուսանկարներ)
Քաթարի թագավորական ընտանիքը վաճառքի է հանել իր շքեղ ինքնաթիռը՝ 10 լոգասենյակով, հարմարավետ ննջասենյակով, ահռելի հյուրասենյակով և նույնիսկ բուժկետով համալրված Boeing 747-8-ը:
Ինչպես նշում է Daily Mail-ը, օդանավն ի սկզբանե նախատեսված է եղել 467 ուղևորի համար, սակայն թագավորական ընտանիքը դրա սրահն առավել ընդարձակ դարձնելու նպատակով հանել է նստատեղերի մեծ մասը: Այժմ այն նախատեսված է առավելագույնը 78 ուղևորի ու 18 հոգանոց անձնակազմի համար։
Հայտնի է, որ օդում ընդհանուր 403.2 ժամ անցկացրած ինքնաթիռը վաճառվում է 642 մլն դոլարով:
Ստորև առաջարկում ենք ֆոտոշարքի միջոցով վիրտուալ շրջայց կատարել շքեղ ինքնաթիռով.