Албанското Министерство за внатрешни работи, по информацијата на медиумите за извештајот на ЦИА и острите обвинувања на опозицискиот демократски лидер Љуљзим Баша, реагираше со соопштение во кое појаснува дека „веста објавена во медиумите не е точна“. Според Министертвото „нема никаков специфичен извештај на ЦИА објавен последните денови во врска со состојбата во Албанија“. Албанските медиуми ја пренесоа веста дека американската Централна разузнавачка агенција во последниот извештај, наведува дека Албанија останува клучна земја за перење пари, трговија со оружје, наркотици и имигранти. Лидерот на опозициските демократи Љуљзим Баша, реагираше за извештајот, истакнувајќи дека „Албанците не заслужуваат премиер поврзан со организираниот криминал“.
