Վալերի Մելաձեն ցանկանում է Վրաստանի քաղաքացիություն ձեռք բերել․ լրատվամիջոցներ
Ռուսաստանաբնակ վրացի հայտնի երգիչ Վալերի Մելաձեն դիմել է Վրաստանի արդարադատության նախարարություն՝ Վրաստանի քաղաքացիություն ձեռք բերելու համար, այս մասին գրում է ТАСС գործակալությունը՝ հղում անելով վրացական մամուլին։
Ըստ աղբյուրի՝ խոսքը վրացական քաղաքացիության ձեռքբերման մասին է՝ ռուսաստանյան անձնագիրը պահպանելով։
Նշվում է, որ երգիչը որոշել է օգտվել Վրաստանում տարածված նոր օրենքից, ըստ որի նախկինում այլ երկրի քաղաքացիություն ձեռք բերելու համար վրացական քաղաքացիությունից հրաժարված անձինք կարող են վերականգնել այն։
Մելաձեն այժմ գտնվում է հայրենի Բաթումում, որտեղ օգոստոսի 18-19-ը ելույթ է ունեցել երգիչ ու դերասան Վախթանգ Կիկաբիձեի պատվին կայացած համերգներին։