Թույլ տվեք այդ խախտումը չանել. արդարադատության նախարարը չանդրադարձավ Ռոբերտ Քոչարյանի գործին
Ես արդարադատության նախարար եմ ու Ռոբերտ Քոչարյանի գործի վերաբերյալ հարցին իրավունք չունեմ պատասխանելու, դա կլինի միջամտություն: Այս մասին լրագրողների հետ զրույցում ասաց արդարադատության նախարար Արտակ Զեյնալյանը:
«Ես ունեմ իմ տեսակետը, բայց չեմ կարող ներկայացնել այն, քանի որ ունեմ ազդեցության լծակներ, ու այդպիսի հարցի պատասխանելը կլինի խախտում: Թույլ տվեք այդ խախտումը թույլ չտալ»,- նշեց նա:
Հարցին, թե կարգապահական վարույթ հարուցվելո՞ւ է Վերաքննիչ դատարանի դատավոր Ալեքսանդր Ազարյանի նկատմամբ, Արտակ Զեյնալյանը պատասխանեց, որ նախարարությունն այդ հարցին իրավասու չէ միջամտել:
«Չեմ կարող դատավոր Ազարյանի նկատմամբ հարուցել կարգապահական վարույթ: Բողոքը ներկայացված է Վճռաբեկ դատարան: Գործադիր մարմինը՝ նախարարությունը, չի կարող միջամտել այստեղ: Գործադիր իշխանությունը չպետք է վերածվի 4-րդ ատյանի դատարանի»,- շեշտեց նա: