Можна реконструкција на грчката Влада

Грчкиот премиер Алексис Ципрас подготвува реконструкција на владата која може да се случи во следните денови, јавуваат грчките медиуми. 


Според нивните информации, неколку министри е сигурно дека ќе останат на нивните досегашни позиции, а меѓу нив се и министерот за надворешни работи Никос Коѕијас, министерот за одбрана и коалиционен партнер Панос Каменос, министерката за труд Ефи Ахциоглу, пренесува МИА. 


Доколку реконструкцијата на владата не се случи во следните денови, веројатно е дека ќе биде пред Меѓународниот саем во Солун што започнува на 8 септември, кога свое обраќање ќе има и Ципрас.