«Չեմ բացառում». Բիլ և Հիլարի Քլինթոնների դուստրը կարող է առաջադրվել ԱՄՆ նախագահի պաշտոնում
Միացյալ Նահանգների 42-րդ նախագահ Բիլ Քլինթոնի և նախկին պետքարտուղար Հիլարի Քլինթոնի միակ դուստրը՝ Չելսին, չի բացառել, որ կարող է իր թեկնածությունն առաջադրել երկրի ղեկավարի պաշտոնում:
Ինչպես նշում է The Guardian-ը, Չելսի Քլինթոնը մանրամասնել է, որ ստեղծված քաղաքական իրավիճակում դաշտ մտնելու ցանկություն չունի, սակայն չի բացառել ապագայում նման քայլի դիմելու հավանականությունը:
«Ինչ վերաբերում է առաջադրվելուն, ապա հենց հիմա՝ միանշանակ ոչ, բայց ապագայում՝ չեմ բացառում»,-ասել է նա:
Քլինթոնն ընդգծել է, որ համակարծիք չէ գործող նախագահ Դոնալդ Թրամփի բազմաթիվ որոշումների՝ այդ թվում նաև խիստ միգրացիոն քաղաքականությանը վերաբերող հարցի հետ: