Ռոստովում բնակվող հայ ինժեները եզակի էկոտեխնոլոգիա է ներկայացրել
ՌԴ Ռոստովի մարզի Դոնի պետական տեխնիկական համալսարանի Շախտինսկու մասնաճյուղի ինժեներները նորարար տեխնոլոգիա են ստեղծել օդային փչովի կոլեկտորի համար, որի էներգիայի աղբյուրն է հանդիսանում արևը:
Ինչպես տեղեկացնում է Rusarminfo-ն, կոնստրուկցիայի ինժեներներից մեկը համալսարանի մասնաճյուղի «Շինարարություն և տեխնոոլորտի անվտանգություն» ամբիոնի ինժեներ Յուրի Ավետիսյանն է:
«Արևային սարքավորման կոնստրուկցիան մեր եզակի մշակումն է: Այսօր շուկայում կա նմանօրինակ ջերմակրիչի անուղղակի նմուշը՝ SolTech Flex համակարգը, սակայն մեր կոլեկտորի արտադրության ժամանակ մենք ոչ միայն առավել թանկարժեք և երկարակյաց նյութեր ենք կիրառել, այլև կատարելագործել ենք կառուցվածքը: Օրինակ՝ դրա կազմում ընդգրկված է ջերմային մարտկոցը, որն անհրաժեշտ է ջերմաստիճանի կտրուկ տատանումները բացառելու համար», - բուհի մամուլի ծառայությունը մեջբերում է Յուրի Ավետիսյանին: