40+1-ը անցնելու ենք, Արտակ Զեյնալյանը կլինի քաղաքապետ. Էդմոն Մարուքյան
Մեր զգացողությունները, մեր ուսումնասիրությունները մեզ վստահեցնում են, որ Արտակ Զեյնալյանը, չեմ ասում, 50 տոկոս ձայն է ստանալու, բայց 40+1-ը անցնելու ենք: Այս մասին լրագրողների հետ զրույցում ասաց «Լույս» դաշինքի մաս կազմող «Լուսավոր Հայաստան» կուսակցության նախագահ Էդմոն Մարուքյանը:
«Դա մեխանիկորեն նշանակում է, որ Արտակ Զեյնալյանը դառնալու է Երևանի քաղաքապետ: Մնացած ձայները բաշխվելու են, և շատ ձայներ փոշիանալու են, որովհետև շատ ուժեր են մասնակցում, ու փոշին շատ է լինելու: Այդ փոշիացած ձայները բոնուսի ձևով բաշխվելու են բարիերը հաղթահարած ուժերի միջև»,-մանրամասնեց Էդմոն Մարուքյանը:
Նա նկատեց, որ մեդիայի կողմից ստեղծված են ֆավորիտներ, որ ջախջախելու են, հաղթելու են, բայց, երբ շփումներ են ունենում, տեսնում են, որ պատկերն այլ է:
«Այս ընտրությունները շատ եմ նմանեցնում ԱՄՆ նախագահական ընտրությանը, որտեղ բոլոր ուսումնասիրություններով Հիլարի Քլինթոնը հաղթում էր, բայց եղավ հակառակը»,-նշեց նա: