Лавров од Сараево порача дека никој не треба да создава конфликти на Балканот

Шефот на руската дипломатија Сергеј Лавров, на заедничка прес-конференција со босанскиот колега Игор Црнадак во Сараево изјави дека никој од надвор не треба да создава конфликтни ситуации на Балканот и да претендира на целосна контрола над регионот.


“Никој од таквите надворешни играчи не треба да претендира дека тој ќе го контролира Балканот, а на другите да им е забранет влезот. Нашата земја тесно и продуктивно соработуваше и со Европска унија и со САД, вклучително и при усогласувањето на Дејтонскиот договор. Не гледам причина зошто оваа соработка сега треба да биде доведена под знак прашалник”, посочи Лавров.


Црнадак наведе дека Босна и Херцеговина не планира да го смени ставот и да се приклучи кон санкциите на ЕУ кон Русија. Лавров е во работна посета на БиХ, а покрај Сараево ја посети иБања Лука, каде се среќава со претседателот на РС, Милорад Додик и со српскиот министер за надворешни работи Ивица Дачиќ.