Կարլեն Ասլանյանն արժանացել է «Ազատության» (RFE/RL) նախագահի մրցանակին
«Հայաստանում այս գարնանը տեղի ունեցավ թավշյա հեղափոխության, որը տևեց շուրջ երկու ամիս և տարածվեց հարյուրավոր կիլոմետրերի վրա: Հայկական ծառայության լրագրող Կարլեն Ասլանյանն այդ ողջ ընթացքում, առանց դադարի, հենց իրադարձությունների վայրից, ուղիղ եթերում ապահովեց հավասարակշռված լրատվություն, հաճախ անմիջականորեն հայտնվելով դիմակայող ուժերի միջև ու գտնվելով ձերբակալման վտանգի տակ:
Հայկական ծառայության՝ համընդհանուր ճանաչում ստացած այդ հաղորդումներն ապահովելու գործում ունեցած իր դերի համար, որոնց միջոցով լուսաբանվեցին այդ պատմական իրադարձությունները, նաև RFE/RL-ի այլ ծառայություններին լուսաբանման հարցում օժանդակելու համար, Կարլենին շնորհվել է նախագահի մրցանակ»,- նշված է «Ազատության» նախագահ Թոմաս Քենթի ուղերձում: