Իսլամիստները ավելի քան 200 գրոհ են իրականացրել Աֆղանստանի խորհրդարանական ընտրությունների ժամանակ
Associated Press-ը փոխանցում է, որ այսօր տեղի ունեցած պայթյունի զոհ է դարձել 6 երեխա:
Հարձակումների հետևում, ըստ տեղական իշխանությունների, կանգնած է «Թալիբան» շարժումը:
Աֆղանստանի ներքին գործերի նախարար Վայս Ահմեդ Բարմաքը հայտարարել է, որ հարձակումների մեծ մասն իրականացվել է ընտրատեղամասերում:
Այսօր Աֆղանստանի 401 ընտրատեղամասերում քվեարկությունը շարունակվում է: «Ազատություն» ռադիոկայանի աֆղանական ծառայության փոխանցմամբ կիրակի առավոտյան դրությամբ ինը միլիոն ընտրողների մեկ երրորդը արդեն քվեարկել էր: Ընտրողների ամենաբարձր մասնակցությունը գրանցվել է մայրաքաղաք Քաբուլում:
Ըստ պաշտոնական աղբյուրների քվեարկության նախնական արդյունքները կհրապարակվեն նոյեմբերի 1-ից ոչ շուտ, վերջնականը՝ դեկտեմբերին:
Աֆղանստանի խորհրդարանի 249 մանդատների համար պայքարում է 2500 թեկնածու՝ այդ թվում ավելի քան 400 կին: