Թրամփը խոստացել է ցույց տալ Կիմ Չեն Ընից ստացած «սիրային նամակները»
ԱՄՆ նախագահ Դոնալդ Թրամփը The Washington Post-ին տված հարցազրույցում հայտարարել է, որ ցույց կտա Հյուսիսային Կորեայի առաջնորդ Կիմ Չեն Ընից ստացած նամակները, որոնք համեմատել է «սիրային նամակների» հետ:
Կորեական թերակղզու հետ կապված իրավիճակի քննարկմանն ԱՄՆ նախագահն անսպասելի է անդրադարձել: Խոսելով նախօրեին սաուդացի լրագրող Ջամալ Խաաշկղջիի մահվան մասին Սաուդյան Արաբիայի իշխանությունների արած հայտարարությունից՝ Թրամփն անդրադարձել է ԶԼՄ-ների կողմից իր արարքների հաճախակի քննադատություններին:
Այդ համատեքստում նա հիշատակել է ԶԼՄ-ների գրառումներն այն մասին, որ ինքը «սիրահարված է» իր հյուսիսկորեացի պաշտոնակցին:
«Ես ցույց կտամ ձեզ նրա նամակները: Դրանք ասես սիրային նամակներ լինեն», - ասել է Թրամփը: