Հրազդանում 4000 ձայնի տարբերությամբ հաղթում է Սևակ Միքայելյանը (թարմացվող)

22:40

Հրազդանում այսօր քաղաքապետի ընտրություններից հետո շուրջ 20 ընտրատեղամասերում ձայներն արդեն ամփոփված են: Ըստ դրանց՝ քաղաքապետի թեկնածու,  ԱԺ պատգամավոր Սասուն Միքայելյանի որդին շուրջ 4000 հազար ձայների տարբերությամբ առաջ է անցել մրցակցից:

Այս մասին  Tert.am-ին  հայտնում են  Սևակ Միքայելանի նախընտրական շտաբից;

Հիշեցնենք, որ մյուս թեկնածուն Լևոն Ստեփանյանն է:

22:08

Հրազդանի թիվ 26/28 և 26/16 ընտրատեղամասերում  արդեն իսկ ավարտվել է քվեների հաշվումը, հաղթում է Սևակ Միքայելյանը

Կոտայքի մարզի Հրազդան քաղաքի 26/28 ընտրատեղամասում ամփոփվել են համայնքի ղեկավարի ընտրությունների արդյունքները. ըստ այդմ  Սևակ Միքայելյանը ստացել է  254, Լևոն Ստեփանյան` 27 ձայն: Անվավեր է ճանաչվել  11 քվեաթերթիկ:

26/16 ընտրատեղամասում Սևակ Միքայելյանը ստացել է  505 ձայն, Լևոն Ստեփանյանը` 176 ձայն, անվավեր է համարվել 44  քվեաթերթիկ:

Տեղեկությունները Tert.am-ին տրամադրել են Սևակ Միքայելյանի նախընտրական շտաբից: