Բրիտանական փոստը թողարկելու է արքայազն Չարլզի 70-ամյակին նվիրված նամականիշներ

Մեծ Բրիտանիայի թագավորական փոստը թողարկելու է արքայազն Չարլզի 70-ամյակին նվիրված նամականիշներ: Այս մասին գրում է The Yorkshire Post-ը:

Պարբերականի հաղորդմամբ՝ արքայազնի լուսանկարներով նամականիշների հատուկ շարքը վաճառքի կհանվի բրիտանական գահաժառանգի ծննդյան օրը՝ նոյեմբերի 14-ին:

Նշվում է, որ որոշ նամականիշների վրա արքայազնը պատկերված է լինելու իր որդիների, նաեւ երկրորդ կնոջ հետ: Մյուս նամականիների վրա արքայազնը մենակ կլինի՝ կոստյումով եւ զինվորական համազգեստով, ինչպես նաեւ դպրոցականների հետ հանդիպման ժամանակ: