Բրազիլիայում սողանքի հետեւանքով զոհեր եւ վիրավորներ կան
Բրազիլիայի Ռիո դե Ժանեյրո քաղաքում սողանքի հետեւանքով տասից ավելի զոհեր կան: Այդ մասին հաղորդում է ՌԻԱ «Նովոստին»` հղում անելով տեղական ԶԼՄ-ներին: Գործակալության տվյալներով, զոհերի ճշգրիտ թիվը դեռ հայտնի չէ: Երկու մարդ համարվում է անհայտ կորած:
Քաղպաշտպանության ծառայության ներկայացուցիչ Ռոբերտո Ռոբադիուն ասել է, որ սողանքից հնարավոր է եղել փրկել 11 մարդու, որոնք տարբեր մարմնական վնասվածքներով տեղափոխվել են հիվանդանոց: Վիրավորների մեջ մեկ նորածին եւ երկու մանկահասակ երեխա կա: Որոնողական աշխատանքներին ներգրավված է մոտ 200 փրկարար:
RCN ռադիոկայանի փոխանցմամբ՝ արդեն մի քանի օր Ռիո դե Ժանեյրոյում ուժեղ անձրեւներ են տեղում, ինչի հետեւանքով հատկապես մեծ վնասներ է կրել Նիտերոյ թաղամասը: