Եգիպտոսում կատուների՝ հրաշալի պահպանված տասնյակ մումիաներով 6.000-ամյա դամբարաններ են հայտնաբերվել (լուսանկարներ)
Հնագետների թիմը Կահիրեից հարավ ընկած Սաքարա բուրգերի համալիրի տարածքում հայտնաբերել է 6.000 տարվա պատմություն ունեցող դամբարաններ, որոնցում գտել են կատուների տասնյակ մումիաներ:
Ինչպես նշում է The Guardian-ը, երկրի իշխանությունների փոխանցմամբ՝ նմուշները հրաշալի վիճակում են պահպանվել: Նշվում է, որ մումիաների կողքին հայտնաբերվել է նաև կատուների 100 փայտյա ու բրոնզե արձան:
Հայտնի է, որ հին եգիպտական մշակույթում կատուն առանձնահատուկ նշանակություն է ունեցել:
Աղբյուրը հավելում է, որ կատուների հետ հայտնաբերվել են նաև խոշոր բզեզների մումիաներ: Հնագետների խոսքով՝ բզեզների մումիաներ գտնելը բավական անսովոր է և հազվագյուտ պատահող բան: