ԱԻՆ-ը մանրամասներ է հաղորդում Վրաստանում տեղի ունեցած ավտովթարից, որի հետևանքով 5 հայ է տուժել

Արտակարգ իրավիճակների նախարարությունը՝ վկայակոչելով Վրաստանի ներքին գործերի նախարարության Արտակարգ իրավիճակների դեպարտամենտը, տեղեկացնում է Վրաստանի Ախալցխայի տարածաշրջանի Ածղուր գյուղի մոտակայքում Mercedes մակնիշի միկրոավտոբուսի (վարորդի տվյալները չի հաջողվել պարզել) և Skoda մակնիշի ավտոմեքենայի (վարորդը՝ Մ. Թ., Վրաստանի քաղաքացի) բախումից Skoda մակնիշի ավտոմեքենայի վարորդը տեղում մահացել է:


Վթարից տուժած 5 հայերը՝ Ս. Է.-ն (ծնված 1967 թ.) հոսպիտալացվել է Թբիլիսի քաղաքի «Միխայելով» հիվանդանոց, Ա. Գ.-ն (ծնված 2012 թ.)՝ «Իաշվիլա» մանկական հիվանդանոց, Ս. Ա.-ն (ծնված 1989 թ.) և Դ. Կ.-ն (ծնված 1987 թ.)՝ Ախալցխայի «Պինեո» հիվանդանոց, իսկ Ս. Կ.-ն (ծնված 2015 թ.)՝ Ախալցխայի մանկական հիվանդանոց:


Ավելի վաղը ԱԻՆ-ը տեղեկացրել էր, որ նոյեմբերի 10-ին, ժամը 23:15-ին Վրաստանի Ախալցխա քաղաքի մոտակայքում տեղի է ունեցել ճանապարհատրանսպորտային պատահար․ 6 տուժածները Հայաստանի քաղաքացիներ են: