Պուտինը դրական է գնահատել համաեվրոպական բանակ ստեղծելու Մակրոնի առաջարկը
Ռուսաստանի Դաշնության նախագահ Վլադիմիր Պուտինը դրական է վերաբերում Ֆրանսիայի նախագահ Էմանուել Մակրոնի առաջարկին համաեվրոպական զինված ուժեր ստեղծելու մասին: Այս մասին ՌԴ ղեկավարը հայտնել է RT-ին տված հարցազրույցում:
«Ինչ վերաբերում է այլընտրանքային, համաեվրոպական զինված ուժերին, ապա դա նոր միտք չէ, այժմ նախագահ Մակրոնն այն վերակենդանացրել է, սակայն ինձ այդ մասին ասել էր նախկին նախագահներից Ժակ Շիրակը, սակայն մինչ այդ էլ կային նման գաղափարներ», - ասել է Պուտինը:
«Սկզբունքորեն Եվրոպան հզոր տնտեսական կազմավորում է, հզոր տնտեսական միություն և, ընդհանուր առմամբ, բավականին բնական է, որ նրանք ցանկանում են անկախ լինել, ինքնիշխան պաշտպանության և անվտանգության ոլորտում», - ընդգծել է ՌԴ ղեկավարը: