ჩეხეთის პრემიერ-მინისტრი ანდრეი ბაბიში გამოვიდა წინადადებით, რომ ჩეხეთის მოქალაქეობა დაუბრუნდეს 89 წლის მწერალ მილან კუნდერას, რომელსაც ათწლეულების წინ ჩამოართვა მოქალაქეობა კომუნისტურმა ხელისუფლებამ. ბაბიშმა ეს განცხადება გააკეთა პარიზში, სადაც პირველი მსოფლიო ომის 100 წლისთავისადმი მიძღვნილ საზეიმო ცერემონიას ესწრება. ჩეხოსლოვაკიის კომუნისტურმა მთავრობამ კუნდერას და მის ცოლს, ვერას, 1979 წელს ჩამოართვა მოქალაქეობა. 1975 წლის შემდეგ კუნდერა საფრანგეთში ცხოვრობს და ფრანგულ ენაზე წერს.
