ევროპარლამენტის სლოვაკი წევრის, ბორის ზალას აზრით, ევროკავშირში ვერ აცნობიერებენ საქართველოსა და მოლდავეთის გეოპოლიტიკურ მნიშვნელობას, რომელიც ძალიან დიდია. ხოლო ჩეხმა დეპუტატმა მიხაელა შოიდროვამ აღნიშნა, რომ ძალიან კარგად ესმის საქართველოს მდგომარეობა, როგორც ადამიანს, რომლის სამშობლოც ათწლეულების განმავლობაში ჰყავდა დაპყრობილი რუსეთს. შოიდროვას აუცილებლად მიაჩნია საქართველოსათვის ფინანსური დახმარების გაგრძელება.
