ԵՄ-ն ու Մեծ Բրիտանիան համաձայնեցրել են Brexit-ի վերաբերյալ համաձայնագրի նախագիծը
Մեծ Բրիտանիայի՝ Եվրամիության կազմից դուրս գալու վերաբերյալ համաձայնագրի տեսքստ արդեն կազմվել է, իսկ չորեքշաբթի՝ նոյեմբերի 14-ին, այն կքննարկվի բրիտանական կառավարության նիստի ժամանակ: Ինչպես հաղորդում է BBC-ն, կողմերի ներկայացուցիչները համաձայնեցրել են տեքստը տեխնիկական մակարդակով:
Նշվում է, որ ընդհանուր հայտարարի գալու համար կողմերն ամբողջ շաբաթ բանակցություններ են վարել:
Հաղորդվում է նաև, որ Մեծ Բրիտանիայի վարչապետ Թերեզա Մեյը սկսել է կառավարության կայանալիք նիստի նախապատրաստական աշխատանքները: Ավելի վաղ նա հայտարարել էր, որ Brexit-ի վերաբերյալ բանակցություններն ավարտին են մոտենում. միայն հարկավոր է լուծել որոշ հարցեր: