Չավուշօղլուն ասել է, որ ռուսական S-400 համակարգերի ձեռքբերումը «լուծված հարց է»
Թուրքիայի արտգործնախարար Մևլութ Չավավուշօղլուն հայտարարել է, որ Անկարայի կողմից ռուսական S-400 զենիթահրթիռային համակարգերի ձեռքբերումը «լուծված հարց է», հաղորդում է Reuters-ը:
ԱՄՆ պետքարտուղար Մայք Պոմպեոյի հետ հանդիպումից հետո Չավուշօղլուն հստակեցրել է, որ Թուրքիան չի կարող չեղարկել այդ գործարքը, քանի որ սպառազինության կարիք ունի և նախընտրում է այն գնել իր դաշնակից երկրներից:
Ավելի վաղ, ԱՄՆ պետդեպը հայտարարել էր, որ Թուրքիայի կողմից ռուսական S-400 համակարգերի ձեռքբերումը կարող է հանգեցնել պատժամիջոցների կիրառման, նաև Անկարայի և Վաշինգտոնի միջև ռազմական տեխնիկայի վաճառքի ոլորտում «լուրջ հետևանքների»: