21 қарашада Халықаралық қылмыстық полиция ұйымы – Интерполдың жаңа басшысы сайланады. Бұған дейін оның бұрынғы басшысы Менг Хонвей Қытайда пара алу бабы бойынша ұсталған еді. Интерпол президенттігіне екі үміткер бар: Интерполдың басшысы міндетін атқарушы оңтүстік кореялық Ким Йонг және осы ұйым басшысының орынбасары ресейлік генерал Александр Прокопчук. Ресей тарапынан Интерполға бағытталған көп өтініштің “саяси астары” барын айтқан Батыс сарапшылары Прокопчук кандидатын қолдамайды.
