Բունդեսլիգայի ակումբները պայմանավորվել են երկուշաբթի օրերին հանդիպումներ չանցկացնել

Առաջիկա տարիներին Բունդեսլիգայի հանդիպումների ժամանակացույցում փոփոխություններ են կատարվելու:

Zeit Online-ը հաղորդում է, որ Բունդեսլիգայի ակումբները պայմանավորվածություն են ձեռք բերել, որի համաձայն՝ 2021-2022թթ. մրցաշրջանից սկսած առաջնության խաղերը երկուշաբթի չեն անցկացվելու:

Հենց այդ մրցաշրջանից ուժի մեջ կմտնի Բունդեսլիգայի նոր հեռուստատեսային պայմանագիրը:

Նախկինում գերմանական ակումբների երկրպագուները բազմիցս բողոքի ակցիաներ են կազմակերպել՝ երկուշաբթի անցկացվող խաղերի վերաբերյալ իրենց դժգոհությունն արտահայտելով:

Ընթացիկ մրցաշրջանում դեռ լինելու են խաղեր, որոնք կայանալու են երկուշաբթի: