Գերմանիայում դեռահասը վարորդական իրավունք ձեռք բերելուց 49 րոպե անց զրկվել է դրանից
Գերմանիայի Հեմեր քաղաքում 18-ամյա դեռահասը վարորդական իրավունքի քննությունից վերադառնալիս կանգնեցվել է ոստիկանության կողմից և վարորդական իրավունքը ստանալուց 49 րոպե անց զրկվել դրանից, գրում է BBC-ն: Նա թույլատրվածից գրեթե երկու անգամ արագ է երթևեկել:
«Կան բաներ, որ հավերժ են, և կան բաներ, որ մեկ ժամ էլ չեն տևում», - գրել են ոստիկաններն իրենց արձանագրությունում:
Տղան մեքենայում չորս ընկերների հետ է եղել: Ըստ ոստիկանների՝ նա, հավանաբար, փորձել է զարմացնել ընկերներին իր վարորդական հմտությամբ, իսկ փոխարենը նրանից 4 շաբաթով վերցրել են վարորդական իրավունքը: Ի լրումն այդ ամենի՝ նա «ձեռք է բերել» 200 դոլարի տուգանք և երկու նկատողություն: