Նոյեմբերի 24-ին տեղի կունենա համաերևանյան մեծ երթ, կսկսենք քայլել Նոր Նորքից. Նիկոլ Փաշինյան (տեսանյութ)
Նոյեմբերի 24-ին Երևանում տեղի կունենա մեծ երթ: Այս մասին ֆեյսբուքյան ուղիղ եթերում ասաց ՀՀ վարչապետի պաշտոնակատար Նիկոլ Փաշինյանը՝ նշելով, որ երթը համաերևանյան է:
«Հույս ունեմ, որ լավ կքայլենք: Ի վերջո հեղափոխության փուլն արժևորելու, Հայաստանի Հանրապետության հպարտ քաղաքացու հաղթանակը ևս մեկ անգամ ազդարարելու համար: Անցնելու ենք Երևանի բազմաթիվ փողոցներով: Փորձելու ենք լինել վարչական շրջաններում:
Նոյեմբերի 24-ին՝ 10:00-ին կքայլեմ Նոր Նորքից՝ ռազմական ինստիտուտի դիմացի մայթից: Կքայլենք ներքև: Կգնանք Քանաքեռ Զեյթուն, Կոմիտաս: Սպասում եմ բոլոր նրանց, ովքեր իրենց մեջ քայլելու մեծ ուժ են զգում: Սա շատ լավ առիթ է, որ ձեզ տեսնեմ, շփվենք մի քիչ: Կարոտել եմ բոլորիդ»,- ասաց Նիկոլ Փաշինյանը: