ՌԴ ՊՆ «Պոսեյդոն» ստորջրյա անօդաչուն կրող սուզանավը պատրաստ է շահագործման
Ռուսաստանի Դաշնության պաշտպանության նախարարությունը տեղեկացրել է, որ կազմավորվել են միջուկային լիցք պարունակող «Պոսեյդոն» ստորջրյա եզակի անօդաչու սարքով համալրված К-329 «Белгород» սուզանավի առաջին անձնակազմերը:
Ինչպես հաղորդվում է գերատեսչության կայքում, սուզանավի անձնակազմը կմասնակցի ՌԴ ատոմային ստորջրյա նավատորմի 60-ամյակին նվիրված ինտելեկտուալ խաղին:
К-329 «Белгород»-ը երկարությամբ աշխարհի ամենամեծ ատոմային սուզանավն է, որի ամբողջական երկարությունը կազմում է 184 մետր: Հատուկ նշանակության սուզանավը կառուցվել է 949 А «Антей» բազմաֆունկցիոնալ սուզանավի հիման վրա: