Reuters: Трамп Эрдўғонга Гуланни Анқарага топширишга ваъда бермаган
16 декабрда Туркия ташқи ишлар вазири Мавлуд Чавушўғли АҚШ президенти Дональд Трамп Туркия президенти Режаб Тоййип Эрдўғонга Вашингтон Анқарага Фатҳулла Гуланни "топшириш масаласида ишлаётгани"ни айтганини билдирган эди.
Чавушўғлининг журналистларга айтишича, Трамп ва Эрдўғон бу ҳақда Аргентинада 30 ноябрдан 1 декабргача ўтган Катта йигирматалик давлатлари саммити пайтида гаплашган.
Анқара уламо Фатҳулло Гуланни 2016 йилда муваффақиятсиз якунланган давлат тўнтаришини уюштирганликда айблаб келади.
Узоқ йиллардан бери АҚШда яшаётган Фатҳулло Гулан ўзига қўйилган айбларни инкор этиб келмоқда.
АҚШ Туркиянинг Гуланни Анқарага топшириш тўғрисидаги талабларини сиёсий мотивларга эга ва далил-исботларсиз иддао сифатида баҳолаган ҳамда Гуланни экстрадиция қилишдан бош тортган.