Кремль АҚШ Сенатининг айбловларини тан олмади
-Биз яна инкор қиламиз. Биз бу айбловлар абсолют даражада асоссиз, деб ҳисоблаймиз. Россия давлати, Россия ҳукумати ҳар қандай аралашувларга, айниқса бу каби абстракт баён этилган аралашувга алоқадор эмас,- деди президент Путиннинг матбуот котиби Дмитрий Песков 18 декабрь куни.
17 декабрь куни Сенат разведка қўмитаси учун тайёрланган иккита ҳисобот эълон қилинган эди. Ҳисоботда Facebook ва Twitterдаги миллионлаб постлар, YouTubeдаги видеолар, Instagramдаги суратлар ҳамда бошқа ижтимоий тармоқлардаги контент таҳлил қилинган.
Бу Россиянинг АҚШ президентига аралашуви тўғрисидаги бугунга қадар тайёрланган энг тўлиқ ҳисоботлар экани айтилди.
“Россия тролл фабрикаси” деб номланувчи гуруҳни Кремлга алоқадор тадбиркор Евгений Пригожин молиялаштириши айтилади. Жорий йилнинг февраль ойида махсус прокурор Роберт Мюллер Пригожин ҳамда яна 12 нафар бошқа россияликни банк фирибгарлиги, фитна, шахсий маълумотларни ўғирлаш каби жиноятларга қўл уришда айбдор деб топган эди.