საერთაშორისო სავალუტო ფონდმა და მსოფლიო ბანკმა უკრაინას კრედიტები გამოუყვეს
უკრაინის ფინანსთა სამინისტროს თანახმად, დაკრედიტების ახალი პროგრამა 2015 წლის მაისიდან მოქმედ პროგრამას ჩაანაცვლებს, რომელიც უკრაინისთვის 17, 5 მილიარდი დოლარის მოცულობით დახმარებას ითვალისწინებდა.
არსებული ინფორმაციით, უკრაინას 750 მილიონი დოლარის ოდენობის კრედიტს გამოუყოფს მსოფლიო ბანკიც. მსოფლიო ბანკის გადაწყვეტილება, პრეზიდენტ პეტრო პოროშენკოს შეფასებით, მიანიშნებს იმას, რომ მსოფლიო ბანკი აღიარებს უკრაინის პროგრესს რეფორმების, განსაკუთრებით ფინანსურ სფეროში გატარებული რეფორმების მიმართულებით. პრეზიდენტმა პოროშენკომ ტვიტერის საკუთარ გვერდზე გამოქვეყნებულ პოსტში მსოფლიო ბანკს მდლობა გადაუხადა მხარდაჭერისა და უკრაინის მიმართ რწმენაში.