سپینې ماڼۍ د ازبکستان، اوکراین او روسیې پر یو شمېر وګړو بندیز وغځاوه

سپینې ماڼۍ د ازبکستان، اوکراین او روسیې پر یو شمېر وګړو چې د دې هېوادونو له حکومتونو سره تړاو لري د سفر او مالي معاملو بندیز تمدید کړی دی.


دا بندیزونه تېر کال په امریکا کې د «Global Magnitsky Act» قانون پر اساس لګول شوي چې پر بشري حقونو د تېري کوونکو او په نړۍ کې د فاسدو چارواکو پر ضد د داسې پرېکړو اجازه ورکوي.


د سپینې ماڼۍ د پرېکړې پر اساس، د ازبکستان د پخواني ولسمشر پر لور ګلناره کریموا، د روسیې د لوی څارنوال پر زوی، په اوکراین کې د مظاهرو ضد پولیسو پر قوماندان او یو شمېر نورو چارواکو بندیزونه تمدید شوي دي.


روسیې دا اقدام غندلی دی.