2019 жылы ҰБТ-да қандай өзгерістер болады және грант қалай тағайындалады

АСТАНА. ҚазАқпарат - Жоғары оқу орындарының академиялық және басқару дербестігін кеңейту аясында 2019 жылдан бастап мемлекеттік білім  гранттары білім бағдарламаларының топтары бойынша тағайындалатын болады. Сондай-ақ, мамандарды даярлау бағыттарының жаңа классификаторы енгізіліп отыр, деп хабарлайды ҚазАқпарат Білім және ғылым министрлігінің баспасөз қызметіне сілтеме жасап.