Շվեդիայում դատարանն արգելել է մուրացիկությամբ զբաղվել
Շվեդիայի վարչական դատարանն արգելել է երկրի հարավում գտնվող Սքոնե նահանգի Վելլինգե քաղաքում մուրացիկությամբ զբաղվել, գրում է Euronews-ը:
Նման որոշման համար հիմք են ծառայել ապացուցված փաստերն այն մասին, որ քաղաքի մուրացիկները պարբերաբար խախտել են հասարակական կարգը:
«Իհարկե, ես շատ ուրախ եմ: Այդ գործը շատ ուժ ու ժամանակ պահանջեց, և մենք վերջապես ստացանք դատական որոշումը, որը կաշխատի միայն հոգուտ մեր քաղաքի», - ասել է քաղաքային խորհրդի ղեկավարը:
Իրավապահներն արդեն հասցրել են քննադատել կայացված որոշումը՝ նշելով, որ այն մեկուսացնում է առանց այդ էլ չքավորության մեջ ապրող մարդկանց:
Նշենք, որ Դանիայում մուրացիկությունն արգելող օրենքը գործում է երկրի ամբողջ տարածքում: