Երկու տարվա ընթացքում Ադրբեջանի ղեկավարությունը երբեք չի հայտարարել, թե գագաթնաժողովների ժամանակ համաձայնություններ ձեռք չեն բերվել. Ա. Աշոտյանը՝ Ն. Փաշինյանին

Շատ տարօրինակ և վտանգավոր հայտարարություն է անում Նիկոլ Փաշինյանը: Այս երկու տարվա ընթացքում Ադրբեջանի ղեկավարությունն երբեք նման բան իր շուրթերով չի հայտարարել:

Այս մասին ֆեյսբուքյան իր էջում գրել է ՀՀԿ փոխնախագահ Արմեն Աշոտյանը՝ անդրադառնալով Նիկոլ Փաշինյանի կողմից քիչ առաջ արված հայտարարությանը, թե ադրբեջանական կողմը պնդել է, որ Վիեննայում և Սանկտ Պետերբուրգում գագաթնաժողովների ժամանակ համաձայնություններ ձեռք չեն բերվել:

«Ողբալի է, երբ երկրիդ վարչապետը կա՛մ չի տիրապետում Ղարաբաղյան հակամարտության կարգավորման գործընթացի կարևորագույն նրբություններին, կա՛մ իր վրա է վերցնում Ադրբեջանին այդ պարտավորություններից հրապարակավ ազատելու ֆունկցիան:

Խնդրից քիչ թե շատ տեղյակ մարդիկ իրականում գիտեն, որ ԵԱՀԿ Մինսկի խմբի հովանու ներքո տեղի ունեցած 3 գագաթնաժողովների (Վիեննա, Սանկտ Պետերբուրգ, Ժնև) արդյունքում կողմերը, այդ թվում՝ Ադրբեջանը, ձեռք են բերել համաձայնություններ և կայացրել են որոշումներ:

Փաստորեն, Արցախի շուրջ Նիկոլ Փաշինյանի ձեռքերով օղակ է սեղմվում

Խոսքերս հաստատող հղումները ներկայացնում եմ ստորև:

https://www.osce.org/mg/240316

https://www.osce.org/mg/248616

https://www.osce.org/minsk-group/361286

http://www.president.am/…/President-Serzh-Sargsyan-meeting…/»,- գրառման մեջ հայտնում է Աշոտյանը: