Կեյլոր Նավասը կարող է տեղափոխվել «Արսենալ»
Լոնդոնի «Արսենալի» ցանկանում է գնել Մադրիդի «Ռեալի» դարպասապահ Կեյլոր Նավասին: Տեղեկացնում է fichajes.net-ը:
«Զինագործները» մտադիր են խաղացողին գնել ձմռանը: Ունայ Էմերին անձամբ է հետաքրքրված դարպասապահի ծառայություններով: Կոստա Ռիկայի հավաքականի ֆուտբոլիստը կորցրել է տեղը մադրիդցիների հիմնական կազմում՝ Տիբո Կուրտուայի տրանսֆերից հետո:
Նավասը նույնպես դեմ չէ լքել Մադրիդը՝ ցանկանալով ստանալ ավելի շատ խաղաժամանակ: 32-ամյա խաղացողը կարիերան շարունակելու տարբերակներ ունի նաև Ֆրանսիայում և Իտալիայում: