Аԥсны Аџьынџьтәылатә еибашьра анцоз аамҭазы Кавказ ажәларқәа рконфедерациа аштаб аҟны аус зуаз, хатәгәаԥхарала еибашьуаз хаҭа-хаҭала издыруа, изныкымкәа урҭ рҭаацәарақәа ирҭаахьоу, дара ирызкны анҵамҭақәа зырхиахьоу, ашәҟәы "Их души тают над горами" автор, Аԥсуаҭҵааратә институт аԥсуа бызшәа аҟәша аиҳабы, афилологиатә ҭҵаарадыррақәа рдоктор, апрофессор Лили Ҳагԥҳа дазааҭгылоит ҳаибашьраҿы иҭахаз Карачы-Черқьесскынтәи хатәгәаԥхарала еибашьуаз "Леон иорден" занашьоу Мураҭ Кәыџ игәалашәара.
