Сербиялик ҳужумчи Филипп Райевац янги мавсумни Тошкентнинг "Локомотив" клубида бошлайди. Клуб матбуот хизматининг хабар беришича, Райевац эркин агент мақомида "Бунёдкор"дан "Локомотив" сафига келиб қўшилган. 26 ёшли Райевац учун бу Ўзбекистондаги учинчи жамоа бўлади. "Бунёдкор"га қадар у "Қўқон-1912" жамоаси шарафини ҳимоя қилганди. Қўқонда 26 ўйинда 7 гол киритган бўлса, Бунёдкор сафида 10 та ўйинда 7 та гол киритишга муваффақ бўлган.
