Չինաստանի քաղաքներից մեկում արգելվել է նշել Սուրբ Ծնունդը
Չինաստանի Լանֆան քաղաքի իշխանությունները տեղի բնակիչներին արգելել են Սուրբ ծննդյան տոնի հանդիսավոր տոնակատարություններ անցկացնելը, այս մասին գրում է South China Morning Post-ը:
Հայտնի է, որ արգելքը վերաբերվում է տոնական զարդարանքին ու միջոցառումների անցկացմանը, տեղի խանութներին արգելվել է տոնական ապրանքների վաճառքն ու գովազդային ակցիաների անցկացումը:
Բացի այդ, օրենքի խախտման դեպքում պատիժ է սպասվում նաև Սուրբ ծննդյան եղևնիներ կամ հուշանվերներ վաճառողներին:
Ըստ հետազոտող Պատրիկ Փունի՝ Լանֆանի իշխանությունները նման կերպ ցույց են տալիս, որ աջակցում են պաշտոնական Պեկինին այս հարցում:
«Դա ապացուցում է, որ նրանք իսկապես չգիտեն, թե ինչ է նշանակում քրիստոնյաների համար Սուրբ Ծնունդը: Այն, որ դա ոչ միայն երեկույթներ են ու «շոփինգ», այլ հավատի դրսևորում», - ասել է Փունը: