Թրամփը հայտարարել է Սիրիայում ԻՊ-ի դեմ տարած հաղթանակի մասին
ԱՄՆ նախագահ Դոնալդ Թրամփը հայտարարել է Սիրիայում «Իսլամական պետություն» ահաբեկչական խմբավորման դեմ տարած հաղթանակի մասին:
«Մենք հաղթել ենք ԻՊ-ին Սիրիայում, ահա միակ պատճառը, որի համար մենք այնտեղ ենք գտնվում Թրամփի նախագահության օրոք», - թվիթերյան իր էջում գրել է ԱՄՆ նախագահը:
Ինչպես հայտնում է РИА Новости-ն, ամերիկյան իշխանությունները, մասնավորապես՝ ԱՄՆ պետքարտուղարի՝ Սիրիայի հարցով հատուկ ներկայացուցիչ Ջեյմս Ջեֆրին, ավելի վաղ հայտարարել էին, որ Վաշինգտոնը Սիրիայում երեք նպատակ ունի՝ հաղթանակն ԻՊ-ի դեմ, իրանական զորքերի դուրսբերումն ու քաղաքական անցումը: