Ֆիլիպե Լուիսը չի երկարաձգի պայմանագիրն «Աթլետիկոյի» հետ
Մադրիդի «Աթլետիկոյի» պաշտպան Ֆիլիպե Լուիսը չի երկարաձգի իր պայմանագրի ժամկետն ակումբի հետ, գրում է Marca-ն:
33-ամյա ֆուտբոլիստի գործող պայմանագրի ժամկետը մադրիդյան ակումբի հետ նախատեսված է մինչև 2019 թվականը:
Այսպիսով, բրազիլացի ֆուտբոլիստը կարող է բանակցություններ վարել այլ ակումբների հետ արդեն հունվարին:
Հիշեցնենք, որ ներկա պահին «Աթլետիկոյի» պաշտպանն ապաքինվում է ստացած վնասվածքից:
Ավելի վաղ հաղորդվում էր, որ ֆուտբոլիստի ծառայություններով հետաքրքրված են «Միլանն» ու «Ինտերը»: