Լոնդոնում տղամարդը դանակով երեք մարդու է վիրավորել

Լոնդոնի Թաուեր Հեմլեթս թաղամասում անհայտ տղամարդը դանակով հարձակվում է իրականացրել բուժկենտրոնի հարևանությամբ, ինչի հետևանքով երեք մարդ վիրավորվել է:

Ինչպես հաղորդում է ТАСС գործակալությունը՝ վկայակոչելով մայրաքաղաքային ոստիկանությանը, հարձակվողին ձերբակալել են: Ոստիկանության տվյալներով՝ իրավապահ մարմինները միջադեպի մասին տեղեկացել են տեղի ժամանակով 11:06-ին (երևանյան՝ 15:06):

Դեպքի վայր ժամանելով՝ ոստիկանները երեք վիրավորի են հայտնաբերել: Նրանց կյանքին վտանգ չի սպառնում: Ականատեսներից մեկի խոսքով՝ տղամարդը մաչետեով է զինված եղել:

Հարձակում իրականացնող տղամարդը նույնպես վնասվածք է ստացել: Ոստիկանությունից նշել են, որ կատարվածն ահաբեկչության հետ կապ չունի: