Թուրքիան նոր ռազմատեխնիկա է տեղափոխում Սիրիայի հետ սահման
Թուրք զինվորականներն սկսել են հզորացնել Սիրիայի հետ սահմանին տեղակայված ստորաբաժանումները:
Ինչպես փոխանցում է Корреспондент-ը՝ հղում անելով թուրքական աղբյուրին, զրահատրանսպորտային մեքենաների և ռազմական մեքենաների շարասյունը ժամանել է Թուրքիայի սահմանային Գազիանթեփ (Այնթափ - Tert.am) նահանգ:
Ռազմական տեխնիկան, որը սահման է տեղափոխվում Թուրքիայի տարբեր զորամասերից, հետևելով անվտանգության ուժեղացված միջոցառումներին, շարժվում է Հաթայ նահանգի կողմը, որը գտնվում է Սիրիայի հետ սահմանի հարավային շրջանում:
Հիշեցնենք, որ անցյալ շաբաթ Թուրքիայի նախագահ Ռեջեփ Թայիփ Էրդողանը հայտարարել էր սիրիական Մանբիջում նախապատրաստվող ռազմարշավի մասին՝ ընդդեմ քրդական ինքնապաշտպանական ուժերի: