Гулистондаги савдо марказида 8та дўкон ёниб кетгани хабар қилинди

Сирдарё вилояти маркази Гулистон шаҳрида 20 декабрь куни Бунёдкор кўчасидаги бинонинг 2-қаватида жойлашган 8 та дўкон ёниб кетди.


Turon 24 нашрининг Гулистон шаҳар ёнғин хавфсизлик бошқармасига таяниб ёзишича, ёнғинни ўчиришга Гулистондан 4 та, Янгиер шаҳардан 1 та ва Мирзаобод туманидан 1 та ўт ўчирувчи экипаж жалб этилган.


“Ёнғин соат кундуз 13:00 да бошланган ваўт ўчирувчилар томонидан соат 13:12 дақиқа ўтганда қуршаб олиниб, соат 13:49 да ўчирилган. Ҳодиса оқибатида ҳалок бўлганлар ва тан жароҳати олганлар йўқ. Дастлабки тахминларга кўра, ёнғин қисқа туташув натижасида келиб чиққан”, дейилади хабарда.


Айни пайтда ижтимоий тармоқларда Гулистон шаҳрида 8та эмас, 36 та дўкон ёнгани тўғрисидаги маълумотлар, видео ва фотосуратлар пайдо бўлди.


Шаҳарнинг Бунёдкор кўчасида жойлашган савдо мажмуасида 2017 йилнинг август ойида ҳам ёнғин юз берган эди.